مسلسلات مسخرة... جابت ولادنا لورا

جلس الحاج عبد الصمد بعد صلاة التراويح وبين يديه الريموت يقلب ف القنوات المصرية والفضائية وطبعا الفضائية تكسب , عليها كام مسلسل حاجة كده تخبل , ونظر لأم العيال وماعدش فيها جمال , وغني أغنية الموجة الجديدة وقال : آه لو لعبت يا زهر واتبدلت الأحوال لأول حاجة هافكر فيها أغير أم العيال وأبدل الطرحة ويا الشال ببنطلون علا غانم وأحلي كمان خلخال....عزيزي المتابع اسأل نفسك بعد أن فات نصف شهر رمضان ..ما ذا استفدت من مسلسلا ت رمضان ؟ بل ماذا فهمت وأنت تتابع بين كم من الإعلانات جعلك تفقد عقلك وجلست مبلما مستسلما لأقدارك السودا إنك مصري والمسلسل حصري ويتحكم فيك ناس بشئ لا تهتم غير بالمال والإعلانات والمسلسل الذي يستغرق ساعة مع الإعلان ساعتين , وتحرك الريموت هاربا من الإعلانات فيجذبك مسلسل آخر , فتنسي الأولاني إلي أن يأتي السحورويلف النهار ويدور ولا منك سمعت فزورة ولا الف ليلة وشهرزاد والمرايا المسحورة والطاووس الميقاتي والبلبلة الشحرورة..وأنت صح عزيزي المشاهد علي حق هذا هو رمضان في بلدنا اعتاد المسلسلات وإدمان الإعلانات مصلحة يعني وخد وهات .
نأتي للمسلسل الأول الخروج وأقسم بالله ما اعرف من خرج ؟ ومن لم يخرج وكل مارأيته بنات حلوين مش عارف ليه قولوا هييه والست علا غانم وألفاظها القبيحة ونظراتها الغير مريحة وكلامها المندرج في عالم الفضيحة فأقلب القناة قائلة آه يا بلد آههههههههههه ماذا أعلم الصغار ؟ الشتائم والسباب ولا أخلاق ولكن دعاره وبكل مهاره تجارة الجسد واللهم لا حسد .
أذهب إلي الغادتين غادة عادل وغادة عبد الرازق والاتنين حلوين واحدة محامية والتانية ف الخانكةولا أدري لماذا انتشر المرض النفسي بين بطلات المسلسلات , فوجدنا ليلي علوي , ويسرا , ونيللي كريم ...يا حرام التلاتة مجانين ونروح لمين نحن المشاهدين ولا كسبنا دنيا ولا راعينا دين..نأتي إالي الزعيم اللي حصل علي الملايين ف كلمتين هايفين كل ليلة في ساعتين يعذب المشاهدين بالإعلانات الطين , عشان لبلبة ترجع من بره عاملة في التجميل عمليتين واحدة لصدرها وواحدة للخدين والله أكبر يايلد علي المبادئ والهيافة وإزاي هانتقدم واللعب قايم علي الملايين .والناس الغلابة مش لاقيين وبنت غلبانة أمها تقولها شايفة يا بت الملايين يالله اشتغلي رقاصة واتعلمي المياصة من صافي ولا لوسي وانسي فاتن وماجدة ومريم فخر الدين وقومي شوفي لنا كيلو لحمة نعمل عليهم مرقة ونعشي ابوكي واخواتك الجعانين .
اعزائي السادة المشاهدين ماذا يفعل الرجل الشرقي وهو يري برميل الطرشي الست حرمه المصونة واللؤلؤة المكنونة ترتدي العباية وتعمل محشي حتي المحشي ما ينفعشي والرز غالي والحالة مرة وشين وأجيبك يا عز منين , ومسلسلت تغم المنافس وتعبت الأعصاب وأجيبك يا صبر منين ؟ عز انت بتقولي عز ما رجع احسن من الأول وحديده زايد بالألف والألفين والله يكيك يا زمن كدتني م الثورجية واللي بيقوا مصريين